Рубрика: Տեսանյութեր

Ինչո՞ւ են ավելացել հրդեհներն ու ավտովթարները։

Հարցազույցը վարեցին Քնաիկն ու Մարիաննան։

Рубрика: Խոհեր-մտքեր

Երջանկությունն իմ պատկերացմամբ

Ինձ համար երջանկությունն առաջին հերթին իմ ընտանիքն է, որտեղ ես ծնվել եմ և որը միշտ իմ կողքին է։ Երջանկությունը իմ ուրախ և ապահով մանկությունն է։ Երջանկությունն է մայրիկիս անսահման հոգատարությունը, քաղցր խոսքերը և ճիշտ խորհուրդները։ Բայց երջանկությունը միայն չի սահմանափակվում հարազատների կողմից սիրվելը, այլ նրանց սիրելն ու ուրախացնելը։ Ես հասկացել եմ, որ երջանկությունը պահանջում է՝ նվիրվածություն, սեր, բարություն և հոգատարություն։ Հաճախ ես ամենամեծ երջանկությունն եմ ունեցել այն ժամանակ, երբ ինչ-որ մի հարցով կարողացել եմ որևէ մեկին օգնել։ Ինձ համար մեծ երջանկություն է նաև հրաշալի ընկերներ ունենալը, նրանց սիրելը և օգնելը, որովհետև միակ մարդը երջանիկ չի կարող լինել։ Պետք է կարողանաս ուրախանալ ուրիշի հաջողություններով, որպեսզի ինքդ հասնես հաջողության։ 

Ես ինձ երջանիկ եմ համարում նաև այն պատճառով, որ ապրում եմ իմ հայրենիքում և ամեն օր արթնանում եմ նրա խաղաղ երկնքի տակ։ Իմ երազանքն է, որ խաղաղությունը, սերն ու երջանկությունը տիրի երկրագնդի բոլոր անկյուններում և յուրաքանչյուր մարդու սրտում։

Рубрика: Խոհեր-մտքեր

ՕՁԻ ԿԾԱԾԸ ԿԼԱՎԱՆԱ, ԼԵԶՎԻ ԿԾԱԾԸ ՉԻ ԼԱՎԱՆԱ

Օրերից մի օր մանկության ընկերները հանդիպեցին: Նրանք շատ ուրախ էին հանդիպել իրար այսքան տարիներ անց, և ամբողջ օրը անցկացրեցին միասին: Նրանք գնացին շրճարան, այգի, զբոսնեցին: Եվ այդ ամբողջ օրը ընկերներից մեկը իրեն շատ տարօրինակ էր պահում: Նա ամեն ինչի համար կռիվ էր անում, ոչ մի բանի հետ չէր համաձայնվում: Եվ օրվա վերջում ընկերների միջև լուրջ կռիվ տեղի ունեցավ, և այն ընկերը, որը սկզբից իրեն տարօրինակ էր պահում, վիրավորեց ընկերոջը և հասցրեց մինչև արձունքների: Կռվելու ընթացքում այնպես եղավ, որ խոտերի մեջ թաքնված օձը  խայթեց կռվարար ընկերոջ ոտքը: Մյուսը արցունքոտ աչքերով նայեց իր ընկերոջը և ասաց.
— Օձի կծածը կլավանա, լեզվի կծածը չի լավանա:
Այդ ասելուց հետո նա հեռացավ և գնաց: Այդ օրվանից նրանք էլ իրար չտեսան:

Հեղինակ ՝ Աստղիկ Խաչատրյան

Рубрика: Խոհեր-մտքեր

Ճամփորդությունները «Մխիթար Սեբաստացի» կրթահամալիրում

«Մխիթար Սեբաստացի» կրթահամալիրում, անցկացվում են շատ և հետաքրքիր ճամփորդություններ։ Մենք տարբեր տեղեր ենք ճամփորդում ճանաչելու համար մեր երկիրը, մշակույթն ու պատմությունը։ Մենք շատ բարձունքներ ենք հաղթահարում, գնում եռօրյա, քառօրյա շատ հետաքրքիր ճամփորդությունների։ Ճամփորդությունները շատ հետաքրքիր են անցնում։ Երբ մենք ուսուցիչների հետ գնում ենք ճամփորդության, ուսուցիչները մեզ հետ հետաքրքիր ժամանակ են անցկացնում։ Մենք եռօրյա և քառօրյա ճամփորդությունների ժամանակ, երեկոյան միշտ խարույկ ենք վառում։ Խարույկի շուրջ զրուցում, կատակում և երգում ենք։ Մենք այցելում ենք հետաքրքիր վանքեր, տեսարժան վայրեր, մասնակցում ենք տարբեր փառատոների։ Այցելում ենք գործարաններ։ Մենք ոչ միայն մեր երկիրն են ուսումնասիրում, նաև օտար երկրները։ Մեր դպրոցը ճամփորդում է  Ֆրանսիայում, Վրաստանում, Թուրքիայում։ Շատ լավ է, որ մենք այդքան շատ ենք ճամփորդում և ավելի լավ իմանում տվյալ վայրի մասին։ Ճամփորդությունները մեր դպրոցում, հետաքրքիր են և ուսուցողական։

Հեղինակ ՝ Ասյա Միրզոյան

 

Рубрика: Խոհեր-մտքեր

Ինչ է ինձ համար ծաղիկը

Ոմանց համար ծաղիկը ուղղակի բույս է, ոմանց համար՝ գեղցիկ բույս, իսկ ինձ համար իմ կյանքը գեղեցկացնող մի հիասքանչ բույս է: Տարբեր ծաղիկներ ունեն իրենց տարբեր նշանակությունները: Ամեն առիթով ես ստանում եմ տարբեր տեսակների, տարբեր գեղեցկությամբ ծաղիկներ: Իմ ամենասիրելի ծաղիկը վարդն է: Վարդը լինում է տարբեր գույների, բայց դա ինձ համար այքան էլ կարևոր չէ: Վարդը  ինձ համար մի  յուրահատուկ գեղեցկություն ունի: Ես ավելի շատ հաճույք կստանամ տանը տեսնելով մեկ հատ վարդ, քան մի փունջ տարբեր և գույնզգույն ծաղիկներ: Կարծում եմ, որ վարդը մի յուրօրինակ գեղեցկություն ունի, և այդ ծաղիկը  մի հետաքրքիր և լավ զգացմունք է առաջացնում դեպի իրեն, և ես ամեն անգամ ցանկանում եմ շնչել այդ գեղեցկադեմ վարդերի բույրը:

Рубрика: Без рубрики, Խոհեր-մտքեր

Իմ ընկերների և ամբողջ աշխարհի մարդկանց մասին

Մարդիկ լինում են շատ տարբեր։ Մարդկիկ կարող են փոխվել։ Մարդը կարող է սկզբից լինել շատ բարի, կամեցող, հոգատար, բայց ժամանակի ընթացքում մարդը կարող է 180 աստիճանով փոխվել։
Մարդուն կարող է փոխել փողը։ Ես սիրում եմ այն մարդկանց, որոնց համար փողը նշանակություն չունի, ովքեր սիրում են կյանքը, ընկերներին, հարազատներին։ Իմ ընկերները բոլորը այդպիսին են։ Իմ ընկերներից մեկը Հայկն է։ Նա նորեկ է այս դպրոցում, բայց մենք իրար հետ շատ արագ ընկերացանք և դարձանք մոտ ընկերներ։ Читать далее «Իմ ընկերների և ամբողջ աշխարհի մարդկանց մասին»

Рубрика: Без рубрики, Խոհեր-մտքեր

Իմ աշխարհը

Ամեն մարդ ունակ է ստեղծել իր աշխարհը, որտեղ ուզում է ապրել։ Իմ ներսում նույնպես կա աշխարհ։ Այնտեղ իմ մտքերն են, հույզերը, հիշողություններն ու երազանքները։ Արտաքին աշխարհը մարդիկ տեսնում են այնպիսին, ինչպիսին ուզում են տեսնել։ Անկախ բոլոր վատ երևույթներից, որոնք գոյություն ունեն, պետք է սովորել տեսնել լավն ու գեղեցիկը։ Իմ տեսած արտաքին աշխարհը իմ ընտանիքն է, իմ դպրոցն ու իմ ընկերները։ Իմ տունն է, որտեղ ինձ միշտ սպասում են ինձ սիրող և հոգատար մարդիկ։ Տանը ես միշտ ինձ զգում եմ պաշտպանված, և այն իմ ամենասիրված հաճելի աշխարհն է։ Դպրոցը իմ աշխարհի կարևորագույն վայրերից է։ Այնտեղ ես անցկացնում եմ իմ ժամանակի մեծ մասը։ Ես այն շատ սիրում եմ, քանի որ այնտեղ տիրում է հրաշալի մթնոլորտ։ Ցավոք, իմ տեսած աշխարհում կան անարդարություն և դավաճանություն, բայց ես փորձում եմ տեսնել միայն լավը և հույս ունեմ, որ մի օր այդ վատը կվերանա ու իմ տեսած լավը կմնա։ Կարևորը, երբեք չկորցնել գեղեցիկը տեսնելու ունակությունը։

Հեղինակ ՝ Մարիաննա Մանուկյան